NA HONOR DI

Mary Joan Geerman 

1962 - 2002

Mary Joan

a nace dia

30 di October 1962

den famia Kock-Bislick.

Su nomber completo tabata Mary Joan Cynara Kock. Na edad hopi hoben Mary Joan ta cuminsa su carera den e mundo di deporte, specificamente den e area di aerobics y aki ela haya hopi popularidad den e comunidad Arubano. Mary Joan tabata posee un passion extraordinario pa e deporte aki no solamente esaki a hibe na gana competencianan na Aruba y Corsow, pero tambe Mary Joan a desaroya un perserverancia y deseo pa sirbi otronan. Mary Joan como instructora di aerobics a haya e oportunidad pa yuda hopi hende, tanto den e area fisica como emocional. Joan tabata posee habilidad natural pa yuda y duna conseho. Na ana 1986 Mary Joan ta casa cu Mitchell Geerman y ta bira mama di dos yiu muher, Jine y Jaimy.

Image by dylan nolte

"Ariba un dia di mama na aña 1994,

un fase nobo ta cuminsa."

Mary Joan

cu tabatatin solamente 32 aña

na e momento ey a comparti cu su famia cu e tin cancer na pecho. Un fase nobo a cuminsa den bida di Mary Joan. Awor e perserverancia cu Mary Joan a desaroya na un edad hoben a bira e anker di su bida pa asina e por enfrenta e malesa aki. Mary Joan y su casa cu un determinacion incansabel a cuminsa busca informacion y contactonan pa cura e malesa aki. No a keda ningun piedra sin bolter den e buskeda y a hiba Mary Joan pa paisnan manera Corsow, Hulanda, Venezuela, Merca, Colombia y na final Mexico. Tur e fasenan negativo den cual Mary Joan mester a pasa aden, tambe a trece cune su partinan positivo. E malesa aki a duna Joan un bez mas e oportunidad di yuda otronan den necesidad. Joan hunto cu otro amiganan den lucha a lanta un Support Group. Banda di apoya otro pacientnan di cancer e support group a aparece den diferente programa di radio y television pa duna sosten na esnan cu tabata na inicio den nan lucha cu cancer. Joan a bira un figura importante den e Support Group di Cancer na Pecho. Despues di tempo a bira masha normal cu te hasta hendenan desconoci tabta acerca Joan pa conseho y yudanza. Joan na final di su lucha cu e malesa teribel aki ta perde mas tereno y awor mester confronta un paralysis parcial. Apesar cu Joan conoce cristo como su salvador pa varios aña caba, semper e tabata kier a carga su malesa e mes personalmente. Tijuana, Mexico ta cas di un hospital masha special di Joan cu yama "The Oasis of Hope". Akinan Joan ta bin conoce di cerca e gracia abundante di Dios den e area di medicina. Sinembargo Dios su plan tabata otro. Pa cada momento dificil, Dios a provee Joan cu compania special di sernan cu tabata stim'e incondicionalmente y cu a keda para hunto cune te na final. Asina despues di mas o menos ocho aña di lucha, dia 31 di January 2002 Joan ta fayece.

Image by Lesly Juarez

"Su personalidad briyante,

su optimismo, su entusiasmo y amor"

Su legado

ta sigi biba...

"Mary Joan tabata un inspiracion

pa nos tur!" 

Su personalidad briyante, su optimismo, su entusiasmo y su amor pa biba durante tur e lucha, a move hopi pa tambe hiba un bida positivo. Mary Joan a acerca morto cu e mes un energia cu ela biba. Hopi awe ta feliz di por a conoce Mary Joan, nos bida ta mas rico awe y pesey nos ta sigi su legado. E courahe aki di Mary Joan a inspira tur cu tabata serca di dje pa sigui cu e bataya contra e malesa di cancer di pecho. Pesey awe mes ta honra tur e muhernan balente cu a y ta bataya cu e malesa aki. Mary Joan ta simbolisa e lucha constante pa sobrevivi y sigui pa dilanti. E nomber Mary Joan pa e support group ta simbolisa tur nos hende muhernan balente den nos comunidad cu tin e forsa tambe pa apoya otro pa traha ariba e prevencion y concientisacion di e malesa aki. Educa nos mes y sigui support otro. Para firme den e lucha y banda di otro.E lucha ta sigui hunto cu boso.

Help support

warriors in need

Donations are always appreciated, but there are lots of great ways to get involved.